BB's BB

BB 升呢了 ^^
紀錄一下留個念

養和生B記

一早就check-in去霸靚房 (勁開洋既馬場view)

半私家係自己一間房

廁所係房出面

某些廁所有埋沖涼房

半私家好少人住，廁所又特別多

我房門口嗰個廁所幾乎係我專用

一check in已經被shave

瞓直直喺床度由姑娘操刀

好鬼尷尬

娘親包三餐，貴妃雞不錯，可惜沒有養和最出名的煲仔飯（自費囉）

baby 都係包食包尿片包埋衫仔

帶一套出院時着已經OK

既然包奶粉梗係揀最貴嘅illuma

手術之前禁食禁水

開刀半小時前換定衫

等人接去劏

由29樓推落去樓下手術室

先係左手血管吉針

坐係床微微烏向前打尾龍骨

我的麻醉醫生手勢好，不難受

Feel 到腳有溫暖的感覺

麻醉醫生叫我抬腿，已經冇力了，可以開工

掛好塊簾爸爸就入嚟手術室

傻瓜仲問我痛唔痛？

操刀的婦科醫生話鬼佢!! 哈哈

你應該負責side track 佢（被劏ing 的我）

麻醉醫生一直係我左手邊

佢起身幫手推下個肚

好快就有喊聲了!! 快到呢.......

開刀取嬰時間好短

縫番傷口時間都幾長

跟住將我推埋一邊有唔知搞咩

我有少少斷片

淨係記得姑娘拎袋血淋淋既胎盤俾我睇

返到房有姐姐幫我着網褲，仲幫你貼埋產婦巾

帶腰封

條網褲最後搞到我敏感，只係着左24小時已經賴嘢

開刀後要臥床 (唔可以落地)

有姑娘嚟幫你清尿袋

手術後等到可以食飯飲水

果晚我應該冇刷牙洗面就瞓咗

第二日落床拔尿喉

聽說是最痛苦的事情

我又okay 禾，冇乜大感覺

拔喉果下有少少激動，但1秒都冇

現在好鼓吹母乳，第二晚上奶

個個姑娘都黎幫手擠奶check 你上奶未

好似唧暗瘡咁大力

暈!

有間房係專門for 餵奶用的
又有電 pump 借俾你用

真方便

係醫院呢幾日真係好開心架